En 2007, con motivo do seu 25º aniversario, o ORFEÓN LUCENSE concedeu a Xesús Mato un dos premios VIVIR A MÚSICA, en base ao seguinte:
XESÚS MATO MATO (Paradela, 1932)
Creou e dirixiu a Polifónica de Lalín (1958) e foi cofundador de “Fuxan os ventos” e de “Galicia canta ó neno”.
Fundou e dirixiu os coros dos colexios Santísimo Sacramento e Eijo Garay. É o autor do texto e música de “Fuxan os ventos” e outros temas. Foi profesor de música e desde sempre investiga, recolle, transcribe e difunde cancións e músicas da nosa tradición popular.